ریاض: Saudi Arabia کی وزارت داخلہ نے موجودہ صورتحال کے پیش نظر غیر ملکیوں کے ویزوں میں توسیع کا اعلان کرتے ہوئے اہم ہدایات جاری کی ہیں۔
وزارت کے مطابق جن افراد کے ویزوں کی میعاد 25 فروری تک تھی وہ فیس کی ادائیگی کے بعد 18 اپریل تک مملکت میں قیام کر سکتے ہیں، جس سے انہیں اضافی سہولت فراہم کی گئی ہے۔
حکام نے مزید واضح کیا کہ جن غیر ملکیوں کے ویزے 25 فروری کو ختم ہو چکے ہیں وہ بغیر کسی فیس کے بین الاقوامی گزرگاہوں کے ذریعے ملک سے روانہ ہو سکتے ہیں۔
اس کے علاوہ عمرہ، ٹرانزٹ اور وزٹ ویزا رکھنے والے افراد بھی اس توسیعی سہولت سے 18 اپریل تک فائدہ اٹھا سکیں گے، تاکہ موجودہ حالات میں سفری مشکلات کو کم کیا جا سکے۔
