ویانا: بین الاقوامی ایٹمی توانائی ایجنسی (آئی اے ای اے) نے خُنداب میں جوہری پلانٹ پر 27 مارچ کو ہونے والے حملے میں نقصانات کی تصدیق کر دی ہے۔
ایجنسی کے مطابق اس حملے کے بعد پلانٹ مکمل طور پر غیرفعال ہو گیا ہے اور خُنداب کی تنصیب میں کوئی اعلان شدہ جوہری مواد موجود نہیں ہے۔
ادھر ایرانی صدر مسعود پزشکیان نے کہا کہ آئی اے ای اے کے ماہرین کو امریکی صدر ڈونلڈ ٹرمپ کو نوکنگز مظاہرین کی حقیقت سے آگاہ کرنا چاہیے۔
انہوں نے مزید کہا کہ امریکی شہری سب سے پہلے اسرائیل کے بیانیے سے ناراض ہیں اور وہ امریکی جمہوریت پر حکمرانی کرنے والے اسرائیلی بادشاہوں سے تھک چکے ہیں۔
