لبنان نے اسرائیلی حملوں کے بعد آج ملک بھر میں یومِ سوگ منانے کا اعلان کر دیا ہے۔ سرکاری ادارے بند رہیں گے جبکہ قومی پرچم سرنگوں رکھا جائے گا۔ یہ فیصلہ حالیہ شدید حملوں میں بڑی تعداد میں ہلاکتوں کے بعد کیا گیا۔
لبنان سول ڈیفنس کے مطابق ایران–اسرائیل جنگ بندی کے باوجود اسرائیلی فوج کی جانب سے لبنان پر حملے جاری ہیں، اور صرف ایک روز میں مختلف علاقوں میں ہونے والی بمباری کے نتیجے میں 254 افراد جاں بحق ہو گئے۔ حملوں کے بعد ملک بھر کے اسپتالوں میں ایمرجنسی نافذ کر دی گئی ہے جبکہ عوام سے خون کے عطیات دینے کی اپیل بھی کی گئی ہے۔
اسرائیلی وزیراعظم بنجمن نیتن یاہو نے واضح کیا ہے کہ ایران کے ساتھ ہونے والی جنگ بندی لبنان پر لاگو نہیں ہوتی۔ دوسری جانب اسرائیلی وزیر دفاع اسرائیل کاٹز کے مطابق ان حملوں میں حزب اللہ کو بھاری نقصان پہنچایا گیا ہے
