عرب میڈیا کے مطابق آج خلیجی خطے میں کسی بھی ملک پر ایران کی جانب سے کوئی حملہ رپورٹ نہیں ہوا، جس کے بعد خطے میں وقتی طور پر صورتحال پرسکون دکھائی دے رہی ہے۔
رپورٹس کے مطابق سعودی عرب، متحدہ عرب امارات، کویت، قطر اور عمان کی جانب سے آج کسی بھی قسم کے حملے یا سیکیورٹی خدشے کی اطلاع نہیں دی گئی۔
اماراتی وزارت دفاع کا کہنا ہے کہ 9 اپریل کو ملک مکمل طور پر فضائی خطرات سے محفوظ رہا اور دفاعی نظام کو کسی بھی بیلسٹک یا کروز میزائل یا ڈرون کی نشاندہی نہیں ہوئی۔
حکام کے مطابق خطے کی فضائی نگرانی مسلسل جاری ہے اور کسی بھی ممکنہ خطرے سے نمٹنے کے لیے دفاعی نظام مکمل طور پر الرٹ ہے۔
