وائٹ ہاؤس کی ترجمان کیرولین لیوٹ نے ایک اہم پریس بریفنگ کے دوران بتایا ہے کہ امریکی صدر ڈونلڈ ٹرمپ آج اپنی قومی سلامتی کی ٹیم کے ساتھ ایک اعلیٰ سطحی اجلاس منعقد کر رہے ہیں، جس میں ایران کی جانب سے بھیجی گئی نئی سفارتی تجویز کا تفصیلی جائزہ لیا جا رہا ہے۔
ترجمان کے مطابق ایرانی پیشکش میں اس اہم پیش رفت کا عندیہ دیا گیا ہے کہ آبنائے ہرمز کو دوبارہ کھولنے پر آمادگی ظاہر کی گئی ہے، جو عالمی تجارتی اور تیل کی ترسیل کے لیے نہایت اہم گزرگاہ سمجھی جاتی ہے۔
کیرولین لیوٹ نے مزید واضح کیا کہ صدر ٹرمپ کی پالیسی اور ریڈ لائنز میں کوئی ابہام نہیں، اور امریکا کسی ایسی مفاہمت یا معاہدے کو ہرگز قبول نہیں کرے گا جس کے تحت ایران کو جوہری ہتھیار بنانے کی اجازت دی جائے۔
