پاکستان کرکٹ بورڈ نے سابق کپتان یونس خان اور سابق آل راؤنڈر سعید اجمل کوٹیم میں اہم عہدہ دینے کا فیصلہ کرلیا ہے، کرکٹ بورڈ ذرائع کے مطابق سعید اجمل کو پاکستان سینئر ٹیم کے ساتھ بطور سپن باؤلنگ کوچ مقرر کیا جا سکتا ہے جبکہ یونس خان جونیئر ٹیم سمیت مختلف ایج گروپس کے ٹیموں کی ڈیولپمنٹ کی ذمہ داری نبھائیں گے،ذرائع کے مطابق یونس خان اور سعید اجمل نے ان عہدوں کیلئے مشروط طور پر آمادگی ظاہر کی ہے، جس کے بعد اب بی سی بی مینجمنٹ کمیٹی کے سربراہ ذکا اشرف کسی بھی وقت ان کی تقرری عمل میں لا سکتے ہیں ، دونوں سابق کھلاڑیوں نے پی سی بی کے ساتھ کام کرنے پر آمادگی دکھائی ہے لیکن ذرائع کے مطابق ان کامطالبہ ہے کہ غیر ملکی کوچز کی طرح ان کے پاس بھی مکمل اتھارٹی ہوجبکہ بہترین معاوضہ اور لمبے عرصے کیلئے کنٹریکٹ دیا جائے ، اس سے پہلے بھی سابق کرکٹر یونس خان ٹیم کے ساتھ بطور ہیڈ کوچ کام کر چکے ہیں
