پاکستان کے ارشد ندیم نے تاریخ رقم کردی، 40سال بعد اولمپکس میں گولڈ میڈل حاصل کیا

پیرس اولمپکس کے مینز جیولین تھرو ایونٹ کے فائنل میں پاکستان کےارشد ندیم نے ملک کیلئے 40سال بعد گولڈ میڈل حاصل کیا۔ارشد ندیم نے92.97 میٹر کی تھرو کرکے نیااولمپک ریکارڈ بناڈالا۔ایونٹ میں ٹرینیڈاڈ اینڈ ٹیباگو کےکیشور ن نے پہلی تھرو 86.16 کی کردی تھی جب کہ پاکستان کے ارشد ندیم پہلی تھروکرنے ناکام رہے۔فن لینڈ کے لاسی نے 78.81 کی پہلی تھرو کی، بھارت کے نیرج چوپڑا اورجرمنی کے جیولین ویبر بھی پہلی تھرو نہ کرسکے۔فن لینڈ کے اولیور ہیلینڈر نے پہلی تھرو 80.92 کی کردی،جمہوریہ چیک کے جیکب ویلیج نے دوسری تھرو 84.52 کی کردی۔ان کے بعد پاکستان کے ارشد ندیم نے اپنی دوسری تھرو 92.97 میٹر کی کرکے نیا اولمپک ریکارڈ بنا دیا۔ ارشد ندیم کی یہ اس مقابلے کی اب تک سب سے بہترین تھرو ہے۔اس سے قبل اولمپک ریکارڈ 90 اعشاریہ 57 میٹر کا تھا جو کہ ناروے کے اینڈریاس تھورکلڈیسن نے 2008 کے بیجنگ اولمپکس میں بنایا تھا۔ جرمنی کے جیولین ویبر نے اپنی دوسری تھرو 87.33 کی کردی۔بھارت کےنیرج چوپڑا نے اپنی دوسری تھرو 89.45 کی کردی۔پیرس اولمپکس میں مینز جیولین تھرو فائنل کے دوسرے راؤنڈ میں فن لینڈ کے ایٹیلاٹو نے دوسرے راوؤنڈ کی پہلی تھرو 82.02 میٹر کی۔ٹرینیڈاڈ اینڈ ٹیباگو کے کیشورن نے دوسرے راؤنڈ کی پہلی تھرو 78.96 میٹر کی۔ کینیا کے جیولیس یگو نے دوسرے راؤنڈ کی پہلی تھرو 84.90 میٹر کی۔گرینیڈا کے اینڈرسن نے دوسرے راؤنڈ کی پہلی تھرو 88.54 میٹر کی۔ بھارت کے نیرج چوپڑا نے دوسرے راؤنڈ کی پہلی تھرو ضائع کی۔ جبکہ پاکستان کےارشد ندیم نے دوسرےراؤنڈ میں پہلی تھرو 79.40 میٹر کی۔بھارت کےنیرج چوپڑا کی دوسرے راؤنڈ کی دوسری تھرو بھی ضائع ہوگئی۔بھارت کے نیرجچوپڑاکی دوسرےراؤنڈ کی تیسری تھروبھی ضائع ہوگئی۔پاکستان کے ارشد ندیم نے دوسرے راؤنڈ کی تیسری تھرو 91.79 میٹر کی۔