جنگ بندی کی خلاف ورزیاں، حزب الله نے اسرائیل کو کرارا جواب دے دیا

غیر ملکی خبر ایجنسی کے مطابق اسرائیلی فوج کی جانب سے جنگ بندی کی بار بار خلاف ورزیوں کے بعد حزب اللہ نے مقبوضہ علاقوں کے شمال میں جلیل العلا کے قصبے سہل الحول پر میزائل حملہ کیا۔ حزب اللہ کے میزائلی حملے کے بعد، مقبوضہ علاقوں کے شمالی علاقوں میں خطرے کےالارم بج اٹھے، اسرائیلی ذرائع ابلاغ کے مطابق پیر کی شام کو شمالی علاقوں میں متعدد دھماکوں کی آوازیں سنی گئیں ہیں۔ جنگ بندی کی واضح خلاف ورزیوں کوجاری رکھتےہوئے اسرائیلی فوج نے اعلان کیا کہ اس نے جنوبی لبنان میں اہداف پر حملے شروع کر دیے ہیں اسرائیل کے وزیر دفاع نےکہا ہے کہ فوج نےحزب اللہ کے خلاف بڑے پیمانے پر حملے کرنے پر رضامندی ظاہر کی ہے: اسرائیل نے امریکہ کو مطلع کیا ہے کہ وہ حزب اللہ کے میزائل حملے کے جواب میں لبنان میں سلسلہ وار حملے کرنے کا ارادہ رکھتا ہے۔