پیٹرولیم مصنوعات کی قیمتوں سے متعلق حکومت کا جھوٹ بے نقاب

پیٹرولیم مصنوعات کی قیمتوں سے متعلق حکومت کا جھوٹ بے نقاب ہوگیا،عالمی ایجنسی فیک نیوز واچ ڈاگ کا پاکستان سے متعلق تفصیلی وائٹ پیپر جاری وائٹ پیپر پیٹرولیم سے متعلق جھوٹ” کے عنوان سے 38 صفحات پر مشتمل ہے ایجنسی کے مطابق پاکستان میں حقیقی قیمت چھپا کر عوام کو اندھیرے میں رکھا جاتا ہے،قیمتوں پر آئی ایم ایف کو قربانی کا بکرا بنایا جاتا ہے، فیصلہ حکومت ہی کرتی ہے، رپورٹ کے مطابق عالمی قیمتوں کو جواز بناکر اصل وجوہات عوام سے چھپائی گئیں، سال 2000 میں بین الاقوامی مارکیٹ میں قیمت 22 ڈالر فی بیرل تھی،سال 2000 پاکستان میں پٹرول کی قیمت 30 روپے فی لیٹر تھی، 2025 میں قیمت 69 ڈالر فی بیرل، پاکستان میں پٹرول 272 روپے فی لیٹر ہوگیا،ہر لیٹر پٹرول پر 103 روپے لیوی اور ٹیکسز سے عوامی استحصال جاری ہے، رپورٹ کے مطابق پیٹرولیم لیوی کے نام پر گزشتہ سال عوام سے 1.02 کھرب نکلوائے گئے،2022 سے سال 2025 تک پیٹرول کی قیمت میں 118 روپے کا اضافہ ہوا،پٹرولیم سیکٹر کی ڈی ریگولیشن” فریب ہے قیمتیں حکومت ہی طے کرتی ہے،اوگرا صرف سفارش کرتا ہے، فیصلے کا اختیار وزارت کے پاس ہے، فیک نیوز واچ ڈاگ کے مطابق پٹرولیم قیمتوں میں کمی تاخیر کا شکار، جبکہ فوری اضافہ دوہرا معیار ہے،عوامی ریلیف سے گریز اور محصولات جمع کرنے میں جلد بازی کی جاتی ہے،عوام کو صرف قیمت بتائی جاتی ہے، قیمت کا فارمولا چھپایا جاتا ہے، وائٹ پیپر کے مطابق قومی مفاد کی آڑ میں عوام پر بوجھ اور حکومتی مراعات برقرار ہیں،ڈالر کے مقابلے روپے کی گراوٹ سے بھی فیول مزید مہنگا ہوتا ہے،کرنسی منیجمنٹ ناکام، اثرات پٹرول کی قیمت پر نظر آتے ہیں، آئی ایم ایف کا پروگرام ریلیف کے بجائے مہنگائی کا سبب ہے،رواں سال ابھی تک حکومت کی جانب سے پیٹرولیم پر 825 ارب روپے کمائے گئے، وائٹ پیپر کے مطابق پاکستان میں پٹرولیم قیمتوں کی نسبت عالمی مارکیٹ میں قیمتیں کم ہیں،عالمی مارکیٹ کے مطابق قیمت کی بجائے پاکستان میں پٹرول 272 روپے ہے،رپورٹ میں پاکستان میں پٹرولیم مصنوعات کی قیمتوں میں اضافہ یا کمی سیاسی چال قرار دیا گیا ہے الیکشن سے قبل قیمتیں کم حکومت میں آنے کے بعد بڑھا دی جاتی ہیں،پٹرولیم پر پاکستان کے مقابلے انڈیا، فرانس، تھائی لینڈ میں شفاف نظام ہے،پاکستان کا ماڈل میں بے ضابطگی، مداخلت اور معلومات کا فقدان ہے،رپورٹ میں کہا گیا ہے کہ پٹرولیم سے متعلق حقیقی اصلاحات کا وقت آ چکا ہے،رپورٹ میں قیمتوں کے تعین کے لئے اوگرا کو با اختیار ادارہ بنانے کی سفارش کی گئی ہے