صدر ڈونلڈ ٹرمپ کا 15 اگست کو روسی صدر ولادیمیر پیوٹن سے ملاقات کا اعلان

امریکی صدر ڈونلڈ ٹرمپ نے اعلان کیا ہے کہ وہ 15 اگست کو روسی صدر ولادیمیر پیوٹن سے ملاقات کریں گے، جو الاسکا میں منعقد ہوگی۔ٹرمپ نے یہ اعلان سوشل میڈیا پر کیا، اس سے قبل وہ وائٹ ہاؤس میں بھی روسی صدر سے جلد ملاقات کا عندیہ دے چکے تھے۔امریکی اخبار کے مطابق، صدر پیوٹن نے امریکا کو پیشکش کی ہے کہ مشرقی یوکرین کے بدلے وہ جنگ ختم کرنے پر تیار ہیں، جبکہ ٹرمپ کا کہنا ہے کہ کچھ علاقے واپس لینے اور کچھ میں تبدیلی کی راہ تلاش کی جا رہی ہے۔صدر ٹرمپ نے 8 اگست تک یوکرین امن معاہدہ نہ ہونے کی صورت میں روس پر نئی پابندیاں عائد کرنے کی دھمکی دی تھی۔