بیرونِ ملک سفر پر عائد پابندیوں کا شکار پاکستانیوں کی تعداد ایک لاکھ سے تجاوز کر گئی ہے۔ وزارتِ داخلہ کے ذرائع کے مطابق مختلف جرائم، سیاسی وجوہات اور شدت پسند تنظیموں سے تعلق کی بنیاد پر یہ پابندیاں لگائی گئی ہیں۔اعداد و شمار کے مطابق ستر ہزار سے زیادہ پاکستانی شہری بیرونِ ملک جرائم میں ملوث ہونے پر بلیک لسٹ ہیں، جب کہ دس ہزار سے زائد افراد جعلی دستاویزات استعمال کرنے کے سبب فہرست میں شامل کیے گئے۔ اسی طرح دو ہزار سے زائد پاکستانیوں کو سیاسی بنیادوں پر اسٹاپ لسٹ میں ڈالا گیا ہے۔ذرائع کے مطابق مسلح اور فرقہ وارانہ تنظیموں سے وابستہ بیس ہزار سے زیادہ افراد سمیت ایک ہزار سے زائد غیر ملکیوں پر بھی پاکستان چھوڑنے کی پابندی عائد ہے۔ اس کے علاوہ دس ہزار پاکستانی قتل، دھوکا دہی اور دیگر مقدمات کے باعث بلیک لسٹ کیے گئے ہیں۔ رپورٹ کے مطابق ایک سو سے زیادہ صحافیوں، یوٹیوبرز اور سوشل میڈیا ایکٹوسٹس کو بھی ملک سے باہر جانے کی اجازت نہیں دی گئی۔
بیرونِ ملک سفری پابندیوں کا شکار پاکستانیوں کی تعداد ایک لاکھ سے تجاوز کر گئی
Date:
