لاہور: آزادی چوک کے قریب میٹرو بس حادثے کا شکار ہو گئی، جس کے بعد میٹرو بس سروس کا متعلقہ سیکشن عارضی طور پر بند کر دیا گیا ہے۔
نجی ٹی وی ہم نیوز کے مطابق میٹرو بس حکام نے بتایا کہ بس ٹریک کے اطراف لگے جنگلے سے ٹکرا گئی تھی۔حکام کے مطابق حادثے کے وقت بس میں موجود تمام مسافروں کو بحفاظت باہر نکال لیا گیا اور کوئی جانی نقصان پیش نہیں آیا۔
واقعے کے بعد ایم اے او کالج سے شاہدرہ تک میٹرو بس سروس معطل کر دی گئی ہے، جبکہ مرمت اور کلیئرنس کا کام جاری ہے۔
