سب کو لیول پلیئنگ فلیڈ ملنا چاہئے،الیکشن کمیشن نے واضح کردیا

الیکشن کمیشن آف پاکستان نے نگران وزیر اعظم انوار الحق کاکڑ کے پرسنل سیکرٹری اور چاروں صوبوں کے چیف سیکرٹریز کو خط لکھا ہے جس میں ہدایت کی گئی ہے کہ نگران حکومت عام انتخابات میں تمام سیاسی جاعتوں کو لیول پلیئنگ فیلڈ فراہم کرے، خط میں کہا گیا ہے کہ ملک کی ایک اہم سیاسی جماعت نے لیول پلیئنگ فیلڈ نہ ملنے سے متعلق شکایت کی ہے اور کہا ہے کہ نگران حکومتیں لیول پلیئنگ فیلڈ مہیا کرنے سے قاصر ہیں جس کی وجہ سے ان کی مہم اور ووٹرز بری طرح متاثر ہو رہے ہیں،خط میں مزید کہا گیا ہے کہ آئین و قانون کے تحت نگران حکومتوں کی ذمہ داری ہے کہ وہ غیر جانبدار رہیں