احتساب عدالت کے جج محمد بشیر بال بال بچ گئے

پولیس ذرائع کے مطابق راولپنڈی میں احتساب عدالت کے جج محمد بشیر کی گاڑی کے قریب فائرنگ ہوئی ہے تاہم وہ اور ان کا اسکواڈ محفوظ ہے، پولیس کے مطابق جج محمد بشیر اڈیالہ جیل سے کیس کی سماعت سے واپس آ رہے تھے کہ تھانہ ایئر پورٹ کے حدود میں ان کی گاڑی کے قریب ایک شخص نے فائرنگ کردی تاہم پولیس نے ملزم کو گرفتار کر لیا، پولیس کے مطابق فائرنگ کرنے والا ملزم شایان علی  ہارلے اسٹریٹ کا رہائشی ہے، احتساب عدالت کے جج محمد بشیر اڈیالہ جیل میں سابق چیئرمین پی ٹی آئی عمران خان سمیت کئی اہم کیسز کی سماعت کر رہے ہیں