صوبہ خیبرپختونخوا کے علاقہ شانگلہ میں اسلام آباد سے کوہستان جانے والی گاڑی پر خودکش حملہ ہوا ہے جس کے نتیجےمیں 5 چینی باشندوں سمیت 6افراد ہلاک ہوگئے، ڈی آئی جی مالاکنڈکے مطابق حملہ شانگلہ کے علاقے بشام کے مقام پرکیا گیاجہاں سامنے سے آنے والی بارود سے بھری کار چینی باشندوں کی گاڑی سے ٹکرا گئی،جس کے بعد دھماکاہوا۔ڈی آئی جی مالاکنڈ محمد علی کے مطابق چینی انجینئرز کا ایک قافلہ اسلام آباد سے داسو میں اپنے کیمپ کی طرف جا رہتا تھا کہ اس دوران ایک خودکش بمبار نے بارود سے بھری گاڑی ان کے قافلے سے ٹکرا دی،حملے میں چینی انجینئرز کی گاڑی کا ڈرائیور بھی زخمی ہوا ہے جسے دیگر زخمیوں کے ساتھ اسپتال منتقل کر دیا گیا۔ ابھی تک کسی گروپ نے دھماکے کی زمہ داری قبول نہیں کی ہے نہ ہی چینی حکام کی جانب سے کوئی ردعمل سامنے آیا ہے ادھر صدر مملکت اور وزیراعظم کی جانب سے حملے میں جانی نقصان پر چینی حکام سے تعزیت کا اظہار کیا گیا ہے اور مجرموں کو فوری سزا دینے کی ہدایت کی گئی ہے
