وزیر خزانہ سےعالمی بینک کے کنٹری ڈائریکٹر کی ملاقات

وفاقی وزیر خزانہ محمد اورنگزیب سے عالمی بینک کے کنٹری ڈائریکٹر ناجی بینہسین اور انٹرنیشنل فنانس کارپوریشن کے کنٹری منیجر ذیشان احمد شیخ نے ملاقات کی اس دوران باہمی تعاون پر مبنی حکمت عملی اور اقتصادی ترقی متعلق اقدامات پر بات چیت کی گئی،ملاقات کے بعدجاری اعلامیہ کےمطابق ملاقات کا مقصداقتصادی ترقی کوفروغ دینا، مالیاتی استحکام کو بڑھانا اور ملک کے اندر پائیدار ترقی کو فروغ دینا ہے،ملاقات کے دوران بین الاقوامی مالیاتی اداروں کے ساتھ شراکت داری کو مضبوط بنانے کی اہمیت کو اجاگر کیا گیا،ملک کی ترقی کے ایجنڈے کے لیے دونوں اداروں کی مہارت اوروسائل کوبروئےکار لانے سےمتعلق تبادلہ خیال کیا گیا،ملاقات میں زراعت، پاور سیکٹر اور آئی ٹی سمیت مختلف شعبوں میں تعاون کے ممکنہ شعبوں اور سرمایہ کاری کے مواقع پر بھی گفتگو کی گئی