آئی ایم ایف سےپاکستان کوایک ارب 10کروڈ ڈالر ملیں گے،منظوری مل گئی

پاکستان کے معروف ٹی وی چینل جیو نیوز کے مطابق آئی ایم ایف اعلامیہ میں کہا گیا ہے،پاکستان نے دوسرا جائزہ کامیابی سے مکمل کیا،اعلامیہ میں کہا گیا ہے کہ پاکستان نے جولائی 2023میں آئی ایم ایف سے 9ماہ کا قرض پروگرام لیا تھا،پاکستان نے قرض پروگرام کے اہداف کے حصول میں سنجیدہ کوششیں کیں،قرض پروگرام کے بعد پاکستان کی معاشی ترقی کی شرح 2فیصد تک پہنچ رہی ہے، مہنگائی کی شرح کم ہونا شروع ہو گئی ہے ،توقع ہے مہنگائی کے بڑھنے کی شرح جون میں کم ہو کر20فیصد ہو جائے گی.آئی ایم ایف اعلامیہ میں کہا گیا ہے کہ پاکستان کے خالص زرمبادلہ ذخائر ساڑھے 4سے بڑھ کر 8 ارب ڈالر ہو گئے ہیں، توانائی کے شعبے میں بروقت ٹیرف ایڈجسٹمنٹ نے اہم کردار ادا کیا