تیونس میں مقیم حماس کےرہنما سامی ابو زہری نے دیگر فلسطینی گروہوں کے رہنماؤں کے ساتھ پریس کانفرنس کرتے ہوئے اعلان کیاہے کہ جب تک صیہونی حکومت غزہ میں جنگ بندی کامطالبہ قبول نہیں کرے گی اس وقت تک اس کے ساتھ کوئی سمجھوتہ نہیں ہوگا۔
اگر غاصب صیہونی حکام فلسطینی عوام کے خلاف جارحیت بند کرنے کے لئے تیار نہ ہوں تو پھر صیہونی جنگی قیدی بھی استقامتی محاذ کے پاس باقی رہیں گے۔انھوں نے کہا کہ غزہ پر جارحیت بند کرنا اور فلسطینی قیدیوں کی ہمارے معیار کے مطابق،رہائی ہماری شرائط میں شامل ہے۔انھوں نے کہا کہ رفح پر حملہ فلسطینی گروہوں کو ہرگز نہیں جھکا سکتا اور امریکی حکومت کو بھی اپنے موقف پر نظرثانی کرنا چاہئے۔
