جھوٹ مت بولیں حماس نے مجھے کوئی نقصان نہیں پہنچایا، اسرائیلی لڑکی نے صیہونی میڈیا کو آئینہ دکھا دیا

غزہ میں حماس کے فوجی بازو عزالدین القسام بریگیڈ کی قید میں رہنے والی اسرائیلی لڑکی نوآارگامانی نے کہا ہے کہ گرفتاری کے بعد نہ کسی نے ان کو زدوکوب کیا اور نہ ہی کسی نے کوئی بدکلامی کی ۔صیہونی میڈیا پر اپنے بیان کو توڑ مروڑ کر پیش کرنے کا الزام۔ لگاتے ہوئے صیہونی خاتون نےنوآ ارگامانی نے اپنے انسٹا گرام پیج پر لکھا ہے کہ گزشتہ چوبیس گھنٹےکے دوران اسرائیلی میڈیا نے ان کے حوالے سے جو کچھ شائع کیا ہے وہ اس کو نظر انداز نہیں کرسکتیں۔انھوں نے کہا کہ القسام بریگیڈ کےمجاہدین نے قید کے دوران نہ انہیں مارا ہے اور نہ ہی ان کے بال کاٹے ہیں بلکہ اسرائیلی فوج کے جنگی طیاروں کی بمباری میں دیوار گرنے سے وہ زخمی ہوئی تھیں نوآ ارگامانی نے کہا کہ وہ حماس کی قید میں النصیرات کیمپ میں تھیں جس پر اسرائيلی بمباری میں دو دیگر صیہونی جنگی قیدی ہلاک اور وہ زخمی ہوگئی تھیں۔انھوں نےکہا کہ میں جس عمارت میں قید تھی اس پر میزائل گرتے ہوئے دیکھا، مجھے یقین تھا کہ مرجاؤں گی،میں سمجھی کہ اب میرا خاتمہ ہے لیکن میں زندہ بچ گئی ۔تقریبا دو ماہ قبل مرکزی غزہ کے النصیرات کیمپ پر غاصب صیہونی حکومت کی بمباری میں تین سو سے زآئد فلسطینی شہید اور زخمی ہوگئے تھے،جبکہ صیہونی خاتون نوآ ارگامانی سمیت دیگرتین صیہونی قیدی آزاد ہوگئے تھے