کرم میں 10روز بعد تعلیمی ادارے کھل گئے،

ضلع کرم میں 10روز بعد تعلیمی ادارے کھل گئے ہیں اور بچے بڑی تعداد میں سکول پہنچے ہیں تاہم راستے بند ہونے کی وجہ سے اشیائے خوردونوش کی قلت تا حال برقرار ہے۔ضلع کرم میں 2 ہفتوں سے جاری شدید کشیدگی کی وجہ سے تعلیمی ادارے بند کئے گئے تھے اب حالات معمول پر آنے لگے ہیں۔فریقین میں فائر بندی پر عملدرآمد جاری ہے۔حکام کے مطابق کشیدگی میں کمی کے باوجود پشاور پاراچنار روڈ سمیت آمدورفت کے راستے تاحال بند ہیں، جس کی وجہ سے پارہ چنار میں اشیائے خورونوش، ادویات اور پیٹرول کی قلت برقرار ہے۔