احمد آباد حادثے میں طیارے کا بلیک باکس مل گیا۔

بھارتی ریاست گجرات کے شہر احمد آباد میں گر کر تباہ ہونے والے مسافر طیارے کا ایک بلیک باکس مل گیا ہے، جس سے تحقیقات میں مدد ملے گی۔ حادثے میں طیارے میں سوار 241 افراد ہلاک ہو گئے، تاہم ایک مسافر معجزانہ طور پر زندہ بچ گیا۔ بھارتی سول ایوی ایشن کے وزیر کے مطابق حادثے کی تحقیقات ایئرکرافٹ ایکسیڈنٹ انویسٹی گیشن بیورو کر رہا ہے اور اس مقصد کے لیے مختلف شعبوں کے ماہرین پر مشتمل ایک اعلیٰ سطحی کمیٹی بھی تشکیل دی جا رہی ہے۔