نواز شریف آئی ٹی سٹی میں 23 بڑی بین الاقوامی آئی ٹی کمپنیوں نے ادارے یا دفاتر قائم کرنے کے لیے اراضی حاصل کرلی ہے، جن میں نیٹ سول کی جانب سے پاکستان کی پہلی جامع آئی ٹی یونیورسٹی، ایمپیریل کالج لندن اور نووے کیئر کے اشتراک سے میڈیکل کالج و اسپتال، جبکہ روٹس گروپ اور برطانوی وارک یونیورسٹی کا جوائنٹ وینچر شامل ہے۔ ڈیٹا فورٹ اور ماری ٹیک مل کر ٹیئر تھری اور ٹیئر فور ڈیٹا سینٹرز بنائیں گے، اور ڈیٹا روکز نے ایف ٹی اے سے منظور شدہ پہلی لیب بنانے میں دلچسپی ظاہر کی ہے۔ وزیراعلیٰ پنجاب مریم نواز کی زیر صدارت اجلاس میں منصوبے کی پیش رفت کا جائزہ لیا گیا، جہاں بتایا گیا کہ نواز شریف آئی ٹی سٹی سپیشل ٹیکنالوجی زون اتھارٹی سے منظور شدہ پنجاب کا پہلا منصوبہ ہے، اور سیلی کون بلاک کو باقاعدہ منظوری دی جا چکی ہے۔
