آئی ایس پی آر کے مطابق فیلڈ مارشل عاصم منیر نے ملتان گیریژن کا دورہ کیا، جہاں انہیں فارمیشن کی آپریشنل تیاریوں اور تربیتی سرگرمیوں کے بارے میں بریفنگ دی گئی۔
فیلڈ مارشل نے قومی اتحاد اور سول ملٹری ہم آہنگی کی اہمیت پر زور دیتے ہوئے اس عزم کا اعادہ کیا کہ پاک فوج ملک کی خودمختاری اور علاقائی سالمیت کے تحفظ کے لیے پرعزم ہے۔دورے کے دوران پاک فوج کے بیڑے میں جدید Z-10ME اٹیک ہیلی کاپٹر بھی شامل کر دیا گیا۔
یہ ہیلی کاپٹر ہر موسم اور رات کے وقت بھی ہدف کو درست نشانہ بنانے کی صلاحیت رکھتا ہے۔ آئی ایس پی آر کے مطابق اس جدید نظام کی شمولیت فوجی ایوی ایشن کے میدان میں ایک اہم پیش رفت ہے۔
فیلڈ مارشل عاصم منیر نے موقع پر موجود افسران اور جوانوں سے ملاقات کی، ان کے حوصلے اور پیشہ ورانہ صلاحیتوں کو سراہا، اور مشترکہ ہتھیاروں کی حکمت عملی کے مظاہرے کی تعریف کی۔
