پولیس ذرائع کے مطابق، جاں بحق ہونے والے جوڑے کا تعلق اقبال ٹاؤن سے تھا اور وہ فیروز پور روڈ پر واقع اپنے گھر واپس جا رہے تھے۔ حادثہ اس وقت پیش آیا جب 65 سالہ شیخ افضل کو فلائی اوور سے اترتے ہوئے دل کا دورہ پڑا، جس کے باعث موٹرسائیکل بے قابو ہو کر باؤنڈری وال سے ٹکرا گئی، اور دونوں میاں بیوی پل سے نیچے جاگرے۔
60 سالہ عابدہ نور موقع پر ہی جاں بحق ہو گئیں، جبکہ ان کے شوہر افضل اسپتال منتقل کیے جاتے ہوئے دم توڑ گئے۔ادھر شہر کے دیگر علاقوں میں بھی ٹریفک حادثات پیش آئے، جن میں مجموعی طور پر خاتون سمیت 5 افراد جاں بحق اور متعدد زخمی ہوئے۔ پولیس کے مطابق شاہکام فلائی اوور پر کار کی ٹکر سے ایک موٹرسائیکل سوار جان کی بازی ہار گیا، جبکہ دو افراد زخمی ہوئے۔ اسی علاقے میں واقع کینال روڈ پر ایک اور کار حادثے میں تین افراد جاں بحق اور دو زخمی ہو گئے۔
فیصل ٹاؤن لاہور میں اکبر چوک فلائی اوور سے گر کر میاں بیوی جاں بحق
Date:
