اقوام متحدہ کی سلامتی کونسل میں امریکا نے ایک مرتبہ پھر غزہ جنگ بندی کی قرارداد کو ویٹو کر دیا۔ امریکی میڈیا کے مطابق یہ چھٹی بار ہے کہ واشنگٹن نے اس نوعیت کی قرارداد کو روکا ہے، حالانکہ سلامتی کونسل کے 15 میں سے 14 ارکان نے اس کی حمایت میں ووٹ دیا۔ویٹو کی گئی قرارداد میں غزہ میں فوری، غیر مشروط اور مستقل جنگ بندی کا مطالبہ کیا گیا تھا۔ اس کے ساتھ اسرائیل سے کہا گیا تھا کہ وہ فلسطینی علاقے میں امدادی سامان کی ترسیل پر عائد تمام رکاوٹیں ختم کرے۔ یہ قرارداد سلامتی کونسل کے 10 غیر مستقل رکن ممالک کی جانب سے پیش کی گئی تھی، جن میں پاکستان بھی شامل تھا۔امریکی اقدام ایسے وقت میں سامنے آیا ہے جب غزہ میں انسانی بحران شدید تر ہوتا جا رہا ہے اور عالمی سطح پر جنگ بندی کے لیے دباؤ میں اضافہ ہو رہا ہے۔ کئی ممالک نے امریکا کے اس فیصلے پر گہری مایوسی اور افسوس کا اظہار کیا ہے۔
امریکا نے ایک بار پھر غزہ جنگ بندی کی قرارداد ویٹو کردی
Date:
