عمران خان بھی کہیں گے تو فیصلہ واپس نہیں لوں گا: علی امین گنڈاپور

وزیراعلیٰ ہاؤس میں پاکستان تحریک انصاف (پی ٹی آئی) کی صوبائی پارلیمانی پارٹی کے اجلاس سے خطاب کرتے ہوئے علی امین گنڈاپور نے کہا کہ عمران خان کا فیصلہ حرف بہ حرف قبول ہے۔انہوں نے کہا کہ پی ٹی آئی ہمیشہ کی طرح متحد ہےاور تمام اراکین نے بانیِ پی ٹی آئی کے فیصلے پر مکمل اعتماد کا اظہار کیا ہے۔علی امین گنڈاپور کا کہناتھا کہ میں پہلے بھی کہہ چکا ہوں کہ ہماری حکومت کوگرایا نہیں جا سکتا۔حکومت جومنصوبے اور سازشیں بنا رہی ہے، ان کے خلاف ہم نے لائحہ عمل تیار کر لیا ہے اور انہیں کامیاب نہیں ہونے دیں گے۔انہوں نے واضح کیا کہ میں پہلے ہی استعفیٰ دے چکا ہوں اور اب اگر بانیِ پی ٹی آئی بھی کہیں تو بھی اپنا فیصلہ واپس نہیں لوں گا، اس لیے وقت ضائع کر کے ڈرامہ بازی نہ کی جائے۔علی امین گنڈاپور نے کہا کہ اب میں پارٹی میں بطور کارکن کام کروں گا اور کوئی عہدہ یا پوزیشن قبول نہیں کروں گا۔