غیر ملکی خبر ایجنسی کے مطابق اسرائیلی فضائیہ نے زیریں گلیلی میں واقع اسکائی ڈیو نگرانی کے غبارے کو بند کر دیا ہے، یہ وہی غبارہ ہے جو ڈیڑھ سال قبل حزب اللہ کے حملے میں نشانہ بنا تھا۔
یہ مہنگا منصوبہ دشمن کے ڈرونز اور کروز میزائلز کی نشاندہی کے لیے تیار کیا گیا تھا، تاہم اس کی کارکردگی اور کمزوری کے باعث اس پر شکوک و شبہات پائے جا رہے تھے۔
اسرائیلی میڈیا کے مطابق منصوبے پر تعینات فوجیوں کو دیگر ذمہ داریوں پر منتقل کر دیا گیا ہے، جبکہ اسرائیلی فوج (آئی ڈی ایف) کا کہنا ہے کہ اس یونٹ کے مستقبل پر نظرثانی کی جا رہی ہے۔
