ایران کی نیم سرکاری مہر خبررساں ایجنسی کے مطابق، ایرانی حکومت کی ترجمان فاطمہ مہاجرانی نے بتایا ہے کہ ایران کو مذاکرات کی بحالی سے متعلق پیغامات موصول ہوئے ہیں۔
ان کا کہنا تھا کہ وزارتِ خارجہ کو یہ پیغامات موصول ہوئے ہیں، تاہم ان کی نوعیت اور مواد کے بارے میں تفصیلات مناسب وقت پر جاری کی جائیں گی۔
فاطمہ مہاجرانی نے مزید وضاحت نہیں کی کہ یہ پیغامات کن ممالک یا فریقوں کی جانب سے بھیجے گئے ہیں، تاہم انہوں نے کہا کہ ایران اس معاملے پر غور کر رہا ہے اور وقت آنے پر عوام کو مکمل طور پر آگاہ کیا جائے گا۔
