قومی اسمبلی کا اجلاس اسپیکر سردار ایاز صادق کی سربراہی میں جاری ہے، جس میں 27ویں آئینی ترمیم کے ترامیم کے ساتھ منظور ہونے کا امکان ظاہر کیا جا رہا ہے۔
ذرائع کے مطابق اس ترمیم میں سینیٹ کے منظور شدہ مسودے میں کچھ تکنیکی غلطیاں سامنے آئی ہیں، جس کے باعث قومی اسمبلی سے منظوری کے بعد بل دوبارہ سینیٹ کو بھجوائے جانے کا امکان ہے۔
بتایا گیا ہے کہ کل سینیٹ سے 27ویں آئینی ترمیم کی دوبارہ منظوری لی جائے گی۔دو روز قبل سینیٹ نے 27ویں آئینی ترمیم کو دو تہائی اکثریت سے منظور کیا تھا، جس کے تحت ملک میں ایک وفاقی آئینی عدالت کے قیام کی منظوری دی گئی ہے۔
اس عدالت میں تمام ہائیکورٹس کے ججز شامل ہوں گے، جبکہ صدرِ پاکستان کو تاحیات استثنیٰ حاصل ہوگا۔ ترمیم کے مطابق آرمی چیف کے عہدے کو ختم کر کے نیا عہدہ چیف آف ڈیفنس فورسز تشکیل دیا جائے گا۔
