ملتان: ملتان سلطانز کی پاکستان سپر لیگ میں واپسی پر ٹیم کے مالک علی ترین نے خوشی اور مسرت کا اظہار کرتے ہوئے کہا ہے کہ جنوبی پنجاب کو اپنی آواز دوبارہ مل گئی ہے۔
ان کا کہنا تھا کہ ملتان کی ٹیم کی شمولیت صرف کرکٹ کی سطح پر نہیں بلکہ خطے کے عوام کے جذبات اور کھیل سے محبت کی نمائندگی بھی ہے۔
انہوں نے کہا کہ جنوبی پنجاب کے شائقینِ کرکٹ طویل عرصے سے اپنی ٹیم کی واپسی کے منتظر تھے اور اب ملتان سلطانز کی موجودگی سے مقامی ٹیلنٹ کو بھی آگے آنے کا موقع ملے گا۔
ان کا مزید کہنا تھا کہ پی ایس ایل میں ملتان کی ٹیم کی شرکت لیگ کی مقبولیت اور مقابلے کے معیار کو مزید بہتر بنائے گی۔
