برطانیہ کے شہر ڈربی میں ایک 30 سال سے زائد عمر کے بھارتی نژاد شہری نے گاڑی سے کم از کم 7 افراد کو زخمی کر دیا،
جس کے بعد اسے پولیس نے حراست میں لے لیا۔
واقعہ 28 مارچ کی شب تقریباً ساڑھے نو بجے ڈربی سٹی سینٹر میں پیش آیا،جب ملزم نے گاڑی کے ذریعے راہ گیروں کو ٹکر ماری۔
زخمی ہونے والے افراد میں کچھ سنگین حالت میں تھے مگر ان کی زندگی کو خطرہ لاحق نہیں تھا
اور انہیں فوری طور پر مقامی اسپتالوں میں منتقل کیا گیا۔
ڈربی شائر پولیس کے بیان کے مطابق ملزم کو اقدام قتل، خطرناک ڈرائیونگ اور لوگوں کو زخمی کرنے کے الزامات میں گرفتار کیا گیا ہے۔
پولیس نے جائے حادثہ کو کچھ وقت کے لیے بند کر دیا اور کہا کہ عوام کے لیے کوئی فوری خطرہ نہیں ہے۔
تحقیقات جاری ہیں اور پولیس ملزم کے اقدامات کی وجوہات معلوم کرنے کی کوشش کر رہی ہے۔
