ایران نے جنگ بندی سے متعلق امریکی تجاویز پر اپنا ردعمل پاکستان کو بھجوا دیا ہے، جس میں واضح طور پر ظاہر کیا گیا ہے کہ ایران نے جنگ بندی کی پیشکش کو مسترد کر دیا ہے اور اس بات پر زور دیا ہے کہ خطے میں جنگ کا مستقل اور مکمل خاتمہ ضروری ہے۔
ایرانی میڈیا کے مطابق ایران کے اس ردعمل میں کل 10 نکات شامل ہیں جن میں خطے میں جاری تنازعات کے خاتمے، آبنائے ہرمز سے محفوظ گزرگاہ کے لیے ضابطہ کار، عالمی پابندیوں کا خاتمہ، اور امریکی-اسرائیلی حملوں کے نتیجے میں ہونے والے نقصانات کی تعمیر نو شامل ہے۔
رپورٹ میں بتایا گیا ہے کہ ایران نے یہ 10 نکات بھیج کر واضح کیا ہے کہ امن قائم کرنے کے لیے صرف وقتی جنگ بندی کافی نہیں، بلکہ تمام فریقین کے لیے جامع اور دیرپا حل ضروری ہے، تاکہ خطے میں استحکام اور محفوظ تجارتی راستوں کو یقینی بنایا جا سکے۔
