گزشتہ دنوں امریکی صدر نے اسٹیو وٹکوف اور جیرڈ کشنر پر مبنی دو رکنی امریکی وفد اسلام آباد بھیجنے کا اعلان کیا تھا۔
یہ امریکی وفد آج پاکستان کے لیے روانہ ہونا تھا تاہم اب امریکی میڈیا سے گفتگو میں صدر ٹرمپ نے دورہ اسلام آباد منسوخ کرنے کا اعلان کیا۔
امریکی صدر کی جانب سے جاری بیان میں دورہ منسوخ کیے جانے کی وجوہات فوری طور پر واضح نہیں کی گئیں، تاہم اس اعلان کے بعد سفارتی حلقوں میں مختلف قیاس آرائیاں کی جا رہی ہیں۔
ذرائع کے مطابق اس دورے کے دوران پاکستان اور امریکا کے درمیان دوطرفہ تعلقات، علاقائی صورتحال، سرمایہ کاری اور باہمی دلچسپی کے دیگر امور پر بات چیت متوقع تھی۔
دورے کی منسوخی کو دونوں ممالک کے سفارتی شیڈول میں اچانک تبدیلی کے طور پر دیکھا جا رہا ہے، جبکہ متعلقہ حکام کی جانب سے مزید تفصیلات کا انتظار کیا جا رہا ہے۔
