ایرانی وزارتِ خارجہ نے امریکا پر مفاہمتی یادداشت (ایم او یو) کی خلاف ورزی کا الزام عائد کرتے ہوئے کہا ہے کہ واشنگٹن اپنے اقدامات کے تمام نتائج کا خود ذمہ دار ہوگا، جبکہ ایران اپنے قومی مفادات اور قومی سلامتی کے تحفظ کے لیے ہر ضروری اقدام اٹھانے کا حق محفوظ رکھتا ہے۔
ایرانی وزارتِ خارجہ نے اپنے بیان میں امریکا کی جانب سے ایرانی تیل پر عائد پابندیوں کی عارضی معطلی ختم کرنے کے فیصلے کی شدید مذمت کی اور اسے مفاہمتی یادداشت کی شق 10 کی کھلی خلاف ورزی قرار دیا۔
بیان میں کہا گیا کہ گزشتہ 20 روز کے دوران امریکا نے متعدد مرتبہ مفاہمتی یادداشت کی مختلف شقوں کی خلاف ورزی کی ہے، براہِ راست یا پھر اسرائیلی اقدامات کے ذریعے لبنان میں ایسی کارروائیوں کی حمایت کر کے جو اس معاہدے کی روح کے منافی ہیں۔
وزارتِ خارجہ نے زور دیا کہ ایران اپنے قومی مفادات کے تحفظ کے لیے مناسب اور ضروری اقدامات کرے گا اور کسی بھی خلاف ورزی پر خاموش نہیں رہے گا۔
