چترال کے علاقے ڈومیل میں ایک گھر پر برفانی تودہ گرنے کے نتیجے میں 9 افراد جاں بحق جبکہ ایک بچہ زخمی ہو گیا۔
ڈپٹی کمشنر آفس چترال کے مطابق حادثے کا شکار ہونے والوں میں 4 خواتین اور 5 مرد شامل ہیں۔ واقعے کے بعد امدادی ٹیموں نے موقع پر پہنچ کر تمام جاں بحق افراد کی لاشیں ملبے سے نکال لیں۔
دوسری جانب ضلع خیبر کی وادی تیراہ میں حالیہ شدید برفباری کے باعث پھنسے ہوئے آئی ڈی پیز کو محفوظ مقامات پر منتقل کرنے کے لیے ریسکیو آپریشن جاری ہے۔
ڈپٹی کمشنر خیبر بلال شاہد کے مطابق ضلعی انتظامیہ کی نگرانی میں بروقت اقدامات کیے گئے، جس کے نتیجے میں تمام متاثرہ خاندان محفوظ رہے۔
