ملک میں آئندہ عام انتخابات کی تیاریاں تیز،تینوں کمپنیوں نے بیلٹ پیپرز کی چھپائی شروع کردی

پرنٹنگ کارپوریشن آف پاکستان، پاکستان پوسٹ فاونڈیشن اور نیشنل سیکورٹی پرنٹنگ کمپنی بیلٹ پیپرز کی چھپائی کررہی ہیں ،ذرائع کے مطابق خصوصی فیچرز پر مبنی بیلٹ پیپرز کی چھپائی کی جائے گی عام انتخابات میں واٹرمارک بیلٹ پیپرز کا استعمال کیا جارہا ہے،تینوں کمپنیاں 10 کروڑ،9 کروڑ اور 6 کروڑ بیلیٹ پیپرز پرنٹ کریں گی،اور مجموعی طور پر 25کروڑ بیلیٹ پیپرز چھاپے جائیں گے۔پہلے مرحلے میں بلوچستان کے انتخابی حلقوں کیلئے بیلٹ پیپر چھاپے جانے کا امکان ہے،اس کے بعد سندھ کے انتخابی حلقوں کے بیلٹ پیپر کی چھپائی ہوگی،بیلٹ پیپر کی چھپائی اور ترسیل کی حفاظت کیلئے فول پروف اقدامات کئے گئے ہیں اوربیلٹ پیپرز کی چھپائی اور رکھنے کی جگہ سیکورٹی تعینات کر دی گئی ہے زرائع کے مطابق الیکشن کمیشن کی جانب سے بیلٹ پیپر کے حتمی نمونے دئیے جانے کے بعد بیلٹ پیپرز کی چھپائی کی گئی،چھپائی کے دوران اگر بیلٹ پیپر کی کوئی شیٹ خراب پرنٹ ہوئی تو اسے الیکشن کمیشن کے نمائندوں اور سیکورٹی حکام کی موجودگی میں تلف کیا جائے گا