پہلی نیشنل چیف آف آرمی اسٹاف ریسلنگ چیمپئن شپ 2026 کے انڈر 17 اور انڈر 19 مقابلے سیالکوٹ میں کامیابی سے اختتام پذیر ہو گئے۔
گوجرانوالہ کی ٹیم “شیر پنجاب” مجموعی طور پر چیمپئن قرار پائی، جبکہ پشاور کی ٹیم “خیبر فائٹرز” نے دوسری پوزیشن حاصل کی۔ تقریب کے مہمانِ خصوصی، جنرل آفیسر کمانڈنگ نے کامیاب کھلاڑیوں میں میڈلز اور انعامات تقسیم کیے۔
ملکی تاریخ میں پہلی بار قومی سطح پر انڈر 17 اور انڈر 19 کیٹیگریز شامل کرنا کھیلوں کے فروغ میں اہم پیشرفت سمجھی جا رہی ہے۔ فائنل مقابلے سیالکوٹ سپورٹس اسٹیڈیم میں منعقد ہوئے، جس میں ڈسٹرکٹ، ڈویژن اور صوبائی سطح کے فاتح پہلوانوں کے ساتھ عوام کی بڑی تعداد نے شرکت کی۔
ریسلرز نے پاکستان آرمی کے ٹیلنٹ پروموشن اقدامات پر اظہارِ تشکر کرتے ہوئے ایونٹ کے انعقاد کو سراہا۔ کھلاڑیوں نے کہا:
"کامیاب ایونٹ کے انعقاد پر ہم عسکری قیادت کے بے حد مشکور ہیں۔ ہمیں امید ہے کہ پاکستان آرمی نئے ٹیلنٹ کو بین الاقوامی مواقع فراہم کرتی رہے گی۔”
پاک فوج کے زیر اہتمام اس ایونٹ کا انعقاد کھیلوں کے فروغ اور نوجوان ٹیلنٹ کی ترقی کا واضح ثبوت ہے۔
