صدر عارف کاظمی نے اعجاز حسین کو سینئر نائب صدر، شفت صبا کو نائب صدر مقرر کردیا، انیتہ عزیز ویلفیئر سیکریٹری ہونگی
شفقت علی جوائنٹ سیکریٹری، ظفر علی خان، انفارمیشن سیکریٹری، آصف علی بلتی آفس سیکریٹری ہونگے، کابینہ کا نوٹیفکیشن جاری
اسلام آباد (اسٹاف رپورٹر) گلگت بلتستان جرنلسٹ فورم (راولپنڈی اسلام آباد) کے نو منتخب صدر سید عارف حسین کاظمی نے جنرل سیکرٹری علی شیراور فائنانس سیکرٹری اشفاق احمدکی باہمی مشاورت سے فورم کے آئین کے تحت دیگر عہدوں پر عہدیدروں کی تقرری کا کام مکمل کرکے کابینہ کا نوٹیفکیشن جاری کر دیا۔
کابینہ کے دیگر عہدیداروں کی تقرری کیلئے منتخب اراکین کا اجلاس صدر عارف کاظمی کی زیر صدارت ہوا جس میں ممبران کی تقرری کیلئے اہل ، باصلاحیت اور پرعزم ممبران کے ناموں پر غور کیا گیا اور اہلیت، تجربے اور صلاحیت کے حامل ممبران کو مختلف عہدے سونپے کا فیصلہ کیا گیا۔
نوٹیفکیشن کے مطابق سید عارف حسین کاظمی صدر، اعجاز حسین سینئر نائب صدر، شفقت علی صبا نائب صدر، علی شیر جنرل سیکریٹری، اشفاق احمد فنانس سیکریٹری، شفقت علی جوائنٹ سیکریٹری، ظفر علی خا ن انفارمیشن سیکریٹری، آصف علی بلتی آفس سیکریٹری اور مس انیتہ عزیز ویلفیئر سکریٹری ہونگے۔ کابینہ جلد حلف اٹھا کر اپنی ذمہ داریاں نبھانا شروع کردے گی۔
