روسی میڈیا نے دعویٰ کیا ہے کہ عراق کے دارالحکومت بغداد میں زور دار دھماکوں کی آوازیں سنی گئی ہیں، جبکہ شہر میں واقع امریکی سفارتخانے کو ڈرون حملے کا نشانہ بنائے جانے کی اطلاعات بھی سامنے آئی ہیں۔
روسی میڈیا کی رپورٹس کے مطابق ابتدائی اطلاعات میں کہا گیا ہے کہ امریکی سفارتخانے کی جانب ایک ڈرون حملہ کیا گیا، تاہم فوری طور پر یہ واضح نہیں ہو سکا کہ حملے کے نتیجے میں سفارتخانے کی عمارت کو کوئی نقصان پہنچا یا نہیں۔
رپورٹس کے مطابق واقعے کی مزید تفصیلات سامنے آنے کا انتظار ہے، جبکہ حملے یا اس سے ہونے والے ممکنہ نقصانات کے بارے میں تاحال کوئی سرکاری تصدیق جاری نہیں کی گئی۔
