ایران میں صدارتی انتخابات آج ہونگے،چار امیدوار میدان میں ہیں

ایران کے صدارتی انتخابات کیلئے تمام تر تیاریاں مکمل ہوچکی ہیں چھ میں سے دو امیدواروں سید میر حسین قاضی زادہ ہاشمی اورعلی رضا زکانی نے کاغذات نامزدگی واپس لے لئے ہیں جس کے بعد اب چار امیدواروں کے درمیان کانٹے کا جوڑ پڑے گا ایرانی الیکشن کمیشن کے مطابق پولنگ صبح آٹھ بجے شروع ہوگی،ایرانی وزارت داخلہ اور الیکشن کمیشن کی جانب سے انتخابی عمل کے دوران امن و امان کو برقرار رکھنے اور صاف و شفاف انتخابات کو یقینی بنانے کے لئے انتظامات مکمل ہیں وزیر داخلہ احمد وحیدی نے صدارتی انتخابات کے حوالے سے کہا کہ ملک بھر میں امن و امان کو برقرار رکھنے کے لئے ایک لاکھ اسی ہزار پولیس اہلکاروں کو تعیینات کیا جائے گا۔