گلگت بلتستان جرنلسٹ فورم اسلام آباد راولپنڈی کابینہ کا اعلان کر دیا گیا۔ اسلام آباد پریس کلب میں ہونے والے اجلاس میں نو منتخب صدر عاقل حسین باقری نے نومنتخب کابینہ کا اعلان کیا۔ اجلاس میں جنرل سیکرٹری اعجاز حسین، فنانس سیکریٹری عبد الباری کے علاوہ دیگر نامزد ممبران نے شرکت کی۔ اجلاس سے خطاب کرتے ہوئے صدر نے کابینہ برائے سال 2024-25 کے تشکیل کا اعلان کیا۔ نئی کابینہ میں حبیب الرحمان کو سینئر نائب صدر ، انیتہ عزیز نائب صدر(خواتین)، یاسر حسین سینئر جوائنٹ سیکریٹری ، فیصل آکاش جوائنٹ سیکریٹری ،عبدالحسین آزاد سیکریٹری اطلاعات اوراقبال مقپون کو سیکریٹری ویلفئیر کی زمہ داری سونپی گئی۔ 
اجلاس میں صدرنے نو منتخب کابینہ ممبران کو مبارک باد دیتے ہوئے امید ظاہر کی کہ تمام ممبران اپنی ذمہ داریاں بھرپور طریقے سے انجا م دینگے۔ یاد رہے جی بی جرنلسٹ فورم میں پہلی دفعہ خاتون صحافی کو باقاعدہ نمائندگی دی گئی اور مرکزی کابینہ کا حصہ بنایا گیا۔ عاقل حسین باقری نے کہا کہ صحافی قوم کی زبان ہوتے ہیں اورجی بی جرنلسٹ فورم وفاقی دارلحکومت میں گلگت بلتستان کی ہر سطح پر بھر پور نمائندگی اور ترجمانی کرے گا۔اجلاس میں جی بی کے صحافیوں کو درپیش چیلنجز سے نمٹنے کے لیے عزم کا اعادہ بھی کیا گیا
گلگت بلتستان جرنلسٹ فورم اسلام آباد راولپنڈی کی کابینہ کا اعلان کر دیا گیا
Date:
