کراچی:ٹرین کی ذد میں آکر2خواتین جاں بحق

پولیس کے مطابق گھگھر پھاٹک لنک روڈ بمبو گوٹھ کے قریب سے گزرنے والے ریلوے لائن عبور کرتے ہوئے 2 خواتین ٹرین کی ٹکر سے جاں بحق ہوگئیں واقعہ کی اطلاع ملتے ہی ریلوے پولیس اور چھیپا کے رضا کار موقع پر پہنچ گئے اور لاشوں کو ضابطے کی کارروائی کے لیے جناح اسپتال منتقل کردیا۔ایس ایچ او لانڈھی ریلوے پولیس سکندر علی کے مطابق ٹرین کی ٹکر سے جاں بحق دونوں خواتین کی شناخت 53 سالہ سوگھڑ بی بی اور 43 سالہ لال بی بی کے نام سے کی گئی جو کہ گھگھر پھاٹک کی رہائشی تھیں۔پولیس کے مطابق دونوں خواتین ایک مزار سے منت مانگ کر واپس جا رہی تھیں کہ اس دوران پشاور سے کراچی آنے والی رحمٰن بابا ایکسپریس کی زد میں آکر جان سے چلی گئیں۔پولیس نے قانونی کارروائی کے بعد لاشیں ورثا کے حوالے کر دیں۔