وزیر اطلاعات و نشریات اور ڈی جی آئی ایس پی آر کا قومی سلامتی پر سیاسی رہنمائوں کے ساتھ ان کیمرہ سیشن

ڈی جی آئی ایس پی آر لیفٹیننٹ جنرل احمد شریف چودھری اور وزیر اطلاعات و نشریات عطا تارڑ نے قومی سلامتی پر سیاسی جماعتوں کے ارکان کیساتھ ان کیمرا سیشن کیا اس دوران موجودہ صورتحال کے پیش نظر قومی سلامتی کے امور زیر غورآئے، ذرائع کے مطابق پہلگام فالس فلیگ آپریشن کے تناظر میں ہونے والے سیشن میں سیاسی جماعتوں کے رہنماؤں کی بڑی تعداد میں شریک ہوئی۔ڈی جی آئی ایس پی آر نے سیاسی جماعتوں کے  رہنماؤں کو پاک فوج کی تیاریوں سے آگاہ کیا، انھوں نے کہا کہ پاکستان ایک پُر امن ملک ہے اور خطے میں امن چاہتا ہے، ڈی جی آئی ایس پی آر کا کہنا تھا کہ اگر بھارت کی جانب سے پاکستان پر جارحیت مسلط کی جاتی ہےتو افواج پاکستان دشمن کو منہ توڑ جواب دینے کیلئے تیار ہیں، ان کیمرہ سیشن میں وفاقی وزیر اطلاعات و نشریات نے سیاسی قائدین کو حکومتی سفارتی اقدامات اور ریاستی موقف سے بھی اگاہ کیا،پاکستان تحریک انصاف نے ان کیمرہ سیشن کا بائیکاٹ کیا