بھارتی آبی جارحیت دریائے چناب میں پانی کی آمد میں اچانک بڑی کمی ریکارڈ

واپڈا کے تازہ ترین اعداد و شمار کے مطابق دریائے چناب میں پانی کی آمد میں نمایاں کمی دیکھی گئی ہے، جس میں دو دن کے دوران 91 ہزار 600 کیوسک تک کی گراوٹ ریکارڈ کی گئی ہے۔29 مئی کو چناب میں پانی کا بہاؤ 98 ہزار 800 کیوسک تھا، جو 30 مئی تک کم ہو کر 44 ہزار 600 کیوسک رہ گیا۔ 31 مئی تک یہ شرح مزید گر کر محض 7 ہزار 200 کیوسک تک پہنچ گئی۔دوسری جانب، منگلا ڈیم میں پانی کی آمد میں معمولی اضافہ دیکھا گیا ہے۔ واپڈا کے اعداد و شمار کے مطابق، گزشتہ روز یہ شرح 39 ہزار کیوسک تھی، جو اب بڑھ کر 40 ہزار 200 کیوسک ہو گئی ہے۔اسی دوران، دریائے سندھ میں پانی کی آمد میں 22 ہزار کیوسک کی کمی نوٹ کی گئی، جبکہ چشمہ بیراج میں 14 ہزار کیوسک اور دریائے کابل میں 3 ہزار 700 کیوسک کی کمی ریکارڈ ہوئی ہے۔