کوئٹہ میں بلوچستان نیشنل پارٹی کے جلسے کے باہر خوفناک دھماکہ ہوا، جس کے نتیجے میں 12 افراد جاں بحق اور 31 زخمی ہو گئے۔ دھماکہ اس وقت پیش آیا جب جلسہ اختتام پذیر ہو رہا تھا۔دھماکا اختر مینگل کے گاڑئی کے قریب ہوا تاہم وہ حملے میں محفوظرہے۔ریسکیو ٹیموں نے موقع پر پہنچ کر زخمیوں کو قریبی اسپتالوں میں منتقل کیا۔ اسپتال ذرائع کے مطابق متعدد زخمیوں کی حالت تشویشناک ہے، جس کے باعث ہلاکتوں میں اضافے کا خدشہ ہے۔سیکیورٹی فورسز نے علاقے کو گھیرے میں لے کر شواہد اکٹھے کرنا شروع کر دیے جبکہ دھماکے کی نوعیت جاننے کے لیے بم ڈسپوزل اسکواڈ کو طلب کر لیا گیا۔ ابتدائی اطلاعات کے مطابق دھماکہ بارودی مواد سے کیا گیا۔وزیراعلیٰ بلوچستان اور اعلیٰ حکام نے واقعے کی مذمت کرتے ہوئے رپورٹ طلب کر لی ہے۔
کوئٹہ: بلوچستان نیشنل پارٹی کے جلسے کے باہر دھماکہ، 12 افراد جاں بحق، 31 زخمی
Date:
