کیا پاکستان کیلئےاب بھی ایشیا کپ فائنل کھیلنے کا امکان ہے؟

ایشیا کپ ٹی ٹوئنٹی 2025 کے سپر فور مرحلے میں بھارت کے ہاتھوں شکست کے بعد پاکستانی کرکٹ شائقین شدید مایوسی کا شکار ہیں اور گرین شرٹس کی فائنل تک رسائی مشکل دکھائی دے رہی ہے۔ لیکن اب بھی ایک صورت باقی ہے کہ پاکستان فائینل کھیل سکے۔بھارت سے ہارنے کے بعد پاکستان کے لیے شرط یہ ہے کہ وہ اپنے دونوں اگلے میچز جیتے، بصورت دیگر ایک اور شکست ٹیم کو ٹورنامنٹ سے باہر کر دے گی۔پاکستان کا اگلا مقابلہ 23 ستمبر بروز منگل سری لنکا کے خلاف ہو گا، جبکہ دوسرا میچ 25 ستمبر کو بنگلہ دیش کے خلاف کھیلا جائے گا۔ سپر فور کے دوران سری لنکا اور بنگلہ دیش ایک دوسرے کے مدمقابل آ چکے ہیں، جس میں بنگلہ دیش نے سری لنکا کو شکست دی تھی۔ تاہم اس کے باوجود سری لنکا 6 پوائنٹس کے ساتھ اس وقت ٹورنامنٹ کی دوسری مضبوط ترین ٹیم ہے۔