بھارت میں یورینیم کے ذخائر اور تابکاری فضلے سے عوام کی زندگیاں داؤ پر لگ گئی ہیں۔ عالمی ماہرین اور بین الاقوامی میڈیا نے خبردار کیا ہے کہ مشرقی ریاست جھارکھنڈ کی تین سرکاری کانوں سے خارج ہونے والا تابکاری فضلہ انسانی صحت کے لیے مہلک ثابت ہو رہا ہے۔رپورٹس کے مطابق مودی حکومت یورینیم اور دیگر ایٹمی مواد کو سیاسی مقاصد اور جوہری ہتھیاروں کے حصول کے لیے استعمال کر رہی ہے، جس سے نہ صرف بھارتی عوام بلکہ خطے کے امن کو بھی شدید خطرات لاحق ہو گئے ہیں۔ماہرین کا کہنا ہے کہ بھارت میں یورینیم کی چوری، اسمگلنگ اور ایٹمی مواد کی بدانتظامی مودی سرکار کی نااہلی اور سیکیورٹی اداروں کی ناکامی کا کھلا ثبوت ہے۔ یہ واقعات بھارت کی تاریخ میں سنگین اور خطرناک مثالیں قرار دی جا رہی ہیں۔بین الاقوامی میڈیا کا کہنا ہے کہ جھارکھنڈ کے یورینیم ذخائر کو جنگی مقاصد اور ہتھیار سازی سے جوڑنا بھارتی حکومت کے غیر ذمہ دارانہ طرزِ عمل اور انتہا پسندانہ عزائم کو بے نقاب کرتا ہے۔ماہرین نے خبردار کیا ہے کہ مودی حکومت کا جوہری ایجنڈا نہ صرف خطے میں کشیدگی بڑھا رہا ہے بلکہ عالمی امن کے لیے بھی ایک بڑا خطرہ بن چکا ہے۔
جھارکھنڈ کے یورینیم ذخائر مودی حکومت کے جنگی عزائم کی نذر، عوام کی زندگیاں خطرے میں
Date:
