اتحاد بین المسالک ہی خطے کی سلامتی اور ترقی کی ضمانت ہے۔آغاسید راحت حسین الحسینی

قائد ملت جعفریہ گلگت بلتستان علامه آغاسید راحت حسین الحسینی نے آج نماز جمعہ کے بڑے اجتماع سے خطاب کرتے ہوئے اتحاد رواداری اور بین المسالک ہم آہنگی کی اہمیت پر زور دیا ۔ انہوں نے واضح کیا کہ موجودہ حالات میں بین المسالک اتحاد ہی خطے کے مفادات اور پائیدار امن کا واحد راستہ ہے ۔آغا سید راحت حسین الحسینی نے حالیہ دہشت گردی کے واقعے پر افسوس کا اظہار کرتے ہوئے اس کی شدید الفاظ میں مذمت کی اور کہا کہ "ہم نے ہر موقع پر دہشتگردی کے خلاف آواز بلند کی ہے اور دہشتگرد عناصر سے مکمل لا تعلقی کا اعلان کیا ہے ۔ حالیہ واقعے کے دوران مقامی شیعہ جوانوں نے موقع پر پہنچ کر ہر ممکن تعاون فراہم کیا اور امن وامان قائم رکھنے میں کردار ادا کیا ۔ انہوں نے اس امر پر بھی روشنی ڈالی کہ دہشتگردی کا یہ کوئی پہلا واقعہ نہیں ہے ۔ "سانحہ 1988، اور 2005 سانحه قائد شہید اور دیگر واقعات سانحہ کوہستان ، سانحہ چلاس سانحہ لولوسر وسانحہ ہڈور اور علم کشائی کے موقع پر مجھ پر ہونے والے حملے جیسے واقعات اس بات کی گواہی دیتے ہیں ۔ کہ ہم نے ہر امتحان کے موقع پر علاقے کے وسیع تر مفاد میں صبر ، برداشت اور امن کا پیغام دیا ۔ قائد ملت جعفریہ نے افسوس کا اظہار کرتے ہوئے کہا کہ باوجود اس کے کہ ہم نے حالیہ واقعے کی مذمت کی اور مکمل امن کا مظاہرہ کیا ، بعض عناصر کی جانب سے توہین ، تکفیر ، اسلے کی نمائش اور کھلی دھمکیاں دی گئیں ، جو نہ صرف قانون کی خلاف ورزی ہے بلکہ معاشرتی ہم آہنگی کو بھی سبو تاژ کرنے کی کوشش ہے ۔قائد ملت جعفریہ نے افسوس کا اظہار کرتے ہوئے کہا کہ باوجود اس کے کہ ہم نے حالیہ واقعے کی مذمت کی اور مکمل امن کا مظاہرہ کیا ، بعض عناصر کی جانب سے توہین ، تکفیر ،اسلحے کی نمائش اور کھلی دھمکیاں دی گئیں ، جو نہ صرف قانون کی خلاف ورزی ہے بلکہ معاشرتی ہم آہنگی کو بھی سبو تاژ کرنےکی کوشش ہے ۔ انہوں نے مطالبہ کیا کہ ایسے عناصر کے خلاف سخت قانونی کارروائی عمل میں لائی جائے تاکہ خطے میں فرقہ وارانہ منافرت کو ہوا دینے والوں کا قلع قمع کیا جا سکے ۔علامہ آغا راحت حسین الحسینی نے آخر میں کہا کہ "ہم ہمیشہ کی طرح آج بھی اپنے پیرو کاروں کو صبر ، حکمت ، اور قانون کے دائرے میں رہتے ہوئے امن قائم رکھنے کی تلقین کرتے ہیں ۔ خطے کا امن ، ترقی ، اور بھائی چارہ ہی ہماری اولین ترجیح ہے