ایران کے نائب وزیرِ خارجہ کاظم غریب آبادی نے کہا ہے کہ کل ایران، روس اور چین مشترکہ طور پر اقوام متحدہ کی سلامتی کونسل کو ایک خط بھیجیں گے، جس میں وہ قرارداد 2231 کے خاتمے کو تسلیم کرنے کا اعلان کریں گے۔
روس، چین اور غیر جانبدار تحریک کے 121 دیگر ممالک کا اصرار ہے کہ امریکہ اور یورپی تین ممالک کی جانب سے نام نہاد اسنیپ بیک میکانزم کے تحت دوبارہ عائد کی گئی پابندیوں کی کوئی قانونی حیثیت نہیں ہے، اور اقوام متحدہ کے رکن ممالک ان پر عمل کرنے کے پابند نہیں ہیں۔
اس قرارداد کے اختتام کے ساتھ ہی ایران کے معاملے کی حیثیت بین الاقوامی ایٹمی توانائی ایجنسی میں بھی تبدیل ہو جائے گی، اور اب سے آئی اے ای اے کے ڈائریکٹر جنرل پر جوہری معاہدے کے بارے میں رپورٹس جاری کرنے کی کوئی ذمہ داری نہیں رہے گی۔
