پشاور کے سی ٹی ڈی تھانے میں شارٹ سرکٹ کے باعث ہونے والے دھماکے میں ایک اہلکار شہید اور دو زخمی ہو گئے۔ پولیس ذرائع کے مطابق دھماکے سے تھانے کی عمارت کے ایک حصے کو نقصان پہنچا جبکہ واقعے کے فوراً بعد پولیس کی بھاری نفری موقع پر پہنچ گئی۔
جائے وقوعہ کو گھیرے میں لے کر یونیورسٹی روڈ کو ٹریفک کے لیے بند کر دیا گیا اور تحقیقات کا آغاز کر دیا گیا ہے۔
سی سی پی او پشاور میاں سعید کے مطابق تھانے میں موجود تمام ملزمان کو سی ٹی ڈی ہیڈکوارٹرز منتقل کر دیا گیا ہے۔ ابتدائی معلومات کے مطابق دھماکے کی وجہ شارٹ سرکٹ تھی اور اس وقت اسے دہشتگردی کا واقعہ قرار نہیں دیا جا سکتا۔
